2 верасня ў дворыку Музея Вольнай Беларусі адбылося ўрачыстае адкрыццё навучальнага года 2023-2024 ў Беларускай школе ў Варшаве.
Свята пачалося з выступу дзетак з Хору вольных беларусаў, якія заспявалі “Пагоню”, а таксама арыгінальную версію песні “Саўка ды Грышка”.
Павіншаваць дзяцей, бацькоў і настаўнікаў завіталі кіраўнік Народнага Антыкрызіснага Упраўлення Павел Латушка, прадстаўніца Аб'яднанага пераходнага кабінета па нацыянальным адраджэнні Аліна Коўшык і кіраўнік Беларускага Руху Салідарнасці Віталь Рымашэўскі.
Пасля вітальных прамоў ганаровых гасцей, дырэктар школы Алесь Лозка і намесніца дырэктара Юлія Букштановіч запрасілі на сцэну першакласнікаў, каб пад гукі першага званка прывітаць у школе асабіста кожнага з іх.
Таксама адбылося знаёмства з настаўнікамі і ўручэнне ўсім вучням сімвалічных ключыкаў да ведаў.
Напрыканцы свята для гасцей быў паказаны спектакль “рЭвалюцыя Зайца” у пастаноўцы Ю. Дзівакова.
Дзякуй ўсім, хто завітаў, дзякуй гасцям, настаўнікам, бацькам і дзеткам, дзякуй валанцёрам і ўсім, хто дапамагаў. У добры шлях, сябры!
Няхай каласіцца ніва беларускасці па ўсім свеце!
Павіншаваць дзяцей, бацькоў і настаўнікаў завіталі кіраўнік Народнага Антыкрызіснага Упраўлення Павел Латушка, прадстаўніца Аб'яднанага пераходнага кабінета па нацыянальным адраджэнні Аліна Коўшык і кіраўнік Беларускага Руху Салідарнасці Віталь Рымашэўскі.
Пасля вітальных прамоў ганаровых гасцей, дырэктар школы Алесь Лозка і намесніца дырэктара Юлія Букштановіч запрасілі на сцэну першакласнікаў, каб пад гукі першага званка прывітаць у школе асабіста кожнага з іх.
Таксама адбылося знаёмства з настаўнікамі і ўручэнне ўсім вучням сімвалічных ключыкаў да ведаў.
Напрыканцы свята для гасцей быў паказаны спектакль “рЭвалюцыя Зайца” у пастаноўцы Ю. Дзівакова.
Дзякуй ўсім, хто завітаў, дзякуй гасцям, настаўнікам, бацькам і дзеткам, дзякуй валанцёрам і ўсім, хто дапамагаў. У добры шлях, сябры!
Няхай каласіцца ніва беларускасці па ўсім свеце!
Тэкст — Юлія Букштановіч
