Арганізатарамі Тыдня прадпрымальніцтва выступалі вядомы беларускі цэнтр стартапаў Imaguru, які за апошнія гады пераўтварыўся ў міжнародную сетку стартап хабаў, а таксама і іншыя партнёры, сярод якіх BEROC, Еўрапейскі банк, EU4Business і нават Google for Startups.
У мерапрыемствах у якасці спікераў прынялі ўдзел шмат экспертаў, бізнесоўцаў і прадпрымальнікаў традыцыйнага і тэхналагічнага бізнесу не толькі з Беларусі, але і з іншых краін. Сярод іх Мікіта Мікада, CEO і заснавальнік PandaDoc, Івана Цаха Седіва, C-Level кіраўніца, у мінулым дырэктарка па маркетынгу McDonald's і Johnson&Johnson, Раман Пахолкаў, заснавальнік кампаніі Promwad, Tech Mentor-Entrepreneur Bridgio, Наталля Ананчык, сузаснавальніца MetaMind Consulting, бізнес-стратэг, ментарка у Women in Tech Awards, і іншыя.
Наш варшаўскі каворкінг стаў адной з пляцовак, дзе праходзілі майстар-класы і сустрэчы ў межах падзеі. Госці абменьваліся меркаваннямі, а эксперты дзяліліся з прысутнымі сваімі гісторыямі прадпрымальніцкай дзейнасці, натхнялі і раілі не баяцца спрабаваць ствараць новыя бізнес-праекты.
Гэта былі размовы пра магчымасці і пошук рэсурсаў, і ўвогуле пра новую рэальнасць, у якой апынуўся бізнес зараз. Дадаем некалькі фотаздымкаў, каб вы змаглі ацаніць атмасферу івэнтаў, якія праходзілі на нашай прасторы.
Адное можна сцвярджаць дакладна — беларусы годна правялі Сусветны Тыдзень прадпрымальніцтва. Ну а мы, каманда РБС, не спыняемся і працуем далей!
Фота са старонкі GEW Belarus у фэйсбуку
