Нашыя сябры FizraBel стварылі канал ў тэлеграм з прапановамі і парадамі фізічна актыўнага ладу жыцця для беларусаў Польшчы і пачынаюць сваю дзейнасць з навагодняга турніру па шахматах.
Яны робяць гэта дзеля таго, каб беларусы, якія знаходзяцца ў Польшчы, мелі магчымасць добра і карысна праводзіць час. Абяцаюць рэгулярна праводзіць спартыўныя івэнты для беларусаў па розных відах спорту: футбол, баскетбол, шахматы, валейбол і шмат іншага. Таксама будуць дзяліцца цікавымі фактамі пра спорт у Польшчы.
«Мы падумалі, што сапраўды няма праекта, які б арганізоўваў спартыўныя івэнты» — кажуць прадстаўнікі ініцыятывы пра ідэю ставарэння FizraBel.
Калі вы любіце шахматы і хочаце добра правесці час, то хутчэй падавайце заяўку. Удзельнічаць могуць не толькі дарослыя, але і дзеці, для іх будзе ўведзены асобны залік. У перапынках паміж гульнямі гарантуецца сяброўская атмасфера і размовы за кубачкам гарбаты.
Для ўдзелу ў турніры спатрэбяцца 15 злотых. Грошы пойдуць на прызы і арэнду шахматных камплектаў.
- Турнір пройдзе 17 снежня ў Варшаве, па адрасе Hoza 41, lok 2 ( 00-681) і пачнецца ў 16.30.
- Зарэгістравацца на турнір можна тут.
